Skata

Kæst skata

Sá siður að borða kæsta skötu á Þorláksmessu er ættaður af vesturlandi en hefur á síðari árum breyðst út um allt land.

Algengasta skötutegundin til þessa brúks er Tindabikkja, en hún er botnfiskur sem lifir á 20-1000 metra dýpi, hún hefur styttri hala en aðrar skötutegundir og hefur auk þess gadda sem hún dregur nafn sitt af. Aðeins eru notuð börð skötunar.

Skatan er soðin í söltu vatni og borin fram með kartöflum og floti eða smjöri. En hreinsa þarf roð og brjósk af börðunum eftir suðu.

Skötustappa

350 g kæst skata, og/eða söltuð
150 g kartöflur, soðnar
80 g smjör
2 stk hvítlauksrif (má sleppa)
pipar, helst nýmalaður
salt

Matreiðsla:
Sjóðið skötuna og kartöflurnar og saxið niður hvítlauksrifin. Búið til mauk úr skötunni og kartöflunum. Hrærið mjúkt smjörið saman við ásamt hvítlauknum. Bragðbætið með salti og pipar og borið fram með brauði (gjarnan rúgbrauði) og smjöri.

Jólasíða Systu 31 október 2003