Göngu-Hrólfur Rögnvaldsson

Göngu-Hrólfur Rögnvaldsson, Fyrsti hertogi af Normandí.

Fæddur 846, hertogi frá 911, dáinn 932.

Um hann er ritað að hann hafi verið svo þungur að enginn hestur mátti bera hann. Hann vann sér land og ríki í Frakklandi og varð stórfrægur maður og fyrsti hertogi í Normandí í Rúðuborg. Til hans rekja Englandskonungar ætt sína, því Vilhjálmur bastarður hertogi í Normandí vann Englngland árið 1066.

Foreldrar hans voru Rögnvaldur mærajarl og Ragnhildur Hrólfsdóttir.

Börn hans:
    a) Kaðlín,
    b) Roðbert, f. 870, hertogi af Normandí.

Hrólfur var víkingur mikill. Hann var svo mikill maður vexti að engi hestur mátti bera hann og gekk hann hvargi sem hann fór. Hann var kallaður Göngu-Hrólfur. Hann herjaði mjög í Austurvegu. Á einu sumri er hann kom úr víking austan í Víkina þá hjó hann þar strandhögg. Haraldur konungur var í Víkinni. Hann varð mjög reiður þá er hann spurði þetta því að hann hafði mikið bann á lagt að ræna innanlands. Konungur lýsti því á þingi að hann gerði Hrólf útlaga af Noregi. 

En er það spurði Hildur móðir Hrólfs þá fór hún á fund konungs og bað friðar Hrólfi. Konungur var svo reiður að henni týði ekki að biðja. 

Þá kvað Hildur þetta: 

Hafnið Nefju nafna, 
nú rekið gand úr landi 
horskan hölda barma. 
Hví bellið því, stillir? 
Illt er við úlf að ylfast 
Yggs valbríkar slíkan, 
muna við hilmis hjarðir 
hægr, ef hann renn til skógar. 
Göngu-Hrólfur fór síðan vestur um haf í Suðureyjar og þaðan fór hann vestur í Valland og herjaði þar og eignaðist jarlsríki mikið og byggði þar mjög Norðmönnum og er þar síðan kallað Norðmandí. Af Hrólfs ætt eru komnir jarlar í Norðmandí. Sonur Göngu-Hrólfs var Vilhjálmur, faðir Ríkarðar, föður annars Ríkarðar, föður Roðberts löngumspaða, föður Vilhjálms bastarðar Englakonungs. Frá honum eru síðan komnir Englakonungar allir. 

(úr Haraldar sögu hárfagra)

Ættfræðisíða Systu

Nafnaskrá