(Isaac Watts-Jóhann Hannesson/G.F. Händel)
Syng, barnahjörð, syng Guði dýrð,
hann gaf sinn eigin son.
Bjóð honum heim, bú honum stað
með bæn og þakkargjörð,
með bæn og þakkargjörð,
með bæn og hjartans þakkargjörð.
Syng, foldardrótt, um frið á jörð
er gefa vill oss Guð.
Um lönd og höf, um loft og geim
all lofi Drottins náð,
all lofi Drottins náð,
all lofi Drottins föður náð,
Hverf burt frá allri synd og sorg
og sæst við alla menn.
Guðs náðar lind, Guðs góði son
mun græða öll þín mein,
mun græða öll þín mein,
mun græða öll þín sár og mein.
